ଓଡ଼ିଶା କ୍ୟାବିନେଟ୍‌ର ଛଅ ନଦୀ ସଂଯୋଗ ପ୍ରକଳ୍ପକୁ ମଞ୍ଜୁରୀ, ଖର୍ଚ୍ଚ ହେବ ୧୭୯୦ କୋଟି ଟଙ୍କା

ଭୁବନେଶ୍ୱର: ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ଶୁକ୍ରବାର (ଅକ୍ଟୋବର ୧୦, ୨୦୨୫) ଅନୁଷ୍ଠିତ ରାଜ୍ୟ କ୍ୟାବିନେଟ୍ ବୈଠକରେ ‘ଇଣ୍ଟ୍ରା-ଷ୍ଟେଟ୍ ରିଭର ଲିଙ୍କିଂ ସ୍କିମ୍ ଇନ୍ ଓଡ଼ିଶା’ (Intra-State River Linking Scheme in Odisha) ନାମକ ଏକ ଆକାଂକ୍ଷୀ ଯୋଜନାକୁ ମଞ୍ଜୁରୀ ଦିଆଯାଇଛି, ଯାହାର ପୁଞ୍ଜି ବିନିଯୋଗ ପରିମାଣ ୧୭୯୦ କୋଟି ଟଙ୍କା ରହିଛି।

ଏହି ପ୍ରକଳ୍ପଗୁଡ଼ିକ ୫ ବର୍ଷର ଅବଧି, ଅର୍ଥାତ୍ ୨୦୨୫-୨୬ରୁ ୨୦୨୯-୩୦ ଆର୍ଥିକ ବର୍ଷ ମଧ୍ୟରେ କାର୍ଯ୍ୟକାରୀ ହେବ। ସରକାରଙ୍କ କହିବାନୁଯାୟୀ, ଏହି ପ୍ରକଳ୍ପଗୁଡ଼ିକ ଦ୍ୱାରା ମରୁଡ଼ି ସହିବାର କ୍ଷମତା ବୃଦ୍ଧି ପାଇବ, ଅତିରିକ୍ତ ଜଳ ଭଣ୍ଡାର ସୃଷ୍ଟି ହେବ, ବନ୍ୟା ବିପଦର ମୁକାବିଲା କରାଯାଇ ପାରିବ ଏବଂ କୃଷି ଉତ୍ପାଦନରେ ବୃଦ୍ଧି ଘଟିବ ବୋଲି ଆଶା କରାଯାଉଛି।