ଶୁକ୍ରବାର ଅନୁଷ୍ଠିତ G7 ବୈଠକରେ ଆମେରିକାର ବୈଦେଶିକ ସଚିବ ମାର୍କୋ ରୁବିଓ (Marco Rubio) ଏବଂ ୟୁରୋପୀୟ ସଂଘର ବୈଦେଶିକ ନୀତି ପ୍ରମୁଖ କାଜା କାଲାସ (Kaja Kallas) ଙ୍କ ମଧ୍ୟରେ ରୁଷ-ୟୁକ୍ରେନ ଯୁଦ୍ଧକୁ ନେଇ ଏକ ତୀବ୍ର ଯୁକ୍ତିତର୍କ ହୋଇଥିବା ରିପୋର୍ଟ ପ୍ରକାଶ ପାଇଛି।​

ଘଟଣାର ମୁଖ୍ୟ ବିନ୍ଦୁ:​କାଜା କାଲାସଙ୍କ ପ୍ରଶ୍ନ: ୟୁକ୍ରେନ ଯୁଦ୍ଧ ପ୍ରସଙ୍ଗରେ ଆଲୋଚନା ବେଳେ କାଲାସ ଆମେରିକାକୁ ସମାଲୋଚନା କରିଥିଲେ। ସେ ପଚାରିଥିଲେ ଯେ ଆମେରିକା କାହିଁକି ରୁଷ ଉପରେ ଚାପ ପ୍ରୟୋଗ କରୁନାହିଁ?​

ପୁରୁଣା ପ୍ରତିଶୃତିର ସ୍ମୃତି ଚାରଣ: କାଲାସ ରୁବିଓଙ୍କୁ ମନେ ପକାଇ ଦେଇଥିଲେ ଯେ, ଗତବର୍ଷ ସେ କହିଥିଲେ ଯଦି ରୁଷ ଯୁଦ୍ଧ ବନ୍ଦ କରିବାରେ ବାଧା ସୃଷ୍ଟି କରେ, ତେବେ ଆମେରିକାର ଧୈର୍ଯ୍ୟ ସରିଯିବ ଏବଂ କ୍ରେମଲିନ ବିରୁଦ୍ଧରେ କଠୋର ପଦକ୍ଷେପ ନିଆଯିବ।​କାଲାସଙ୍କ କଟାକ୍ଷ: “ଏକ ବର୍ଷ ବିତିଗଲାଣି, କିନ୍ତୁ ରୁଷ ନିଜ ଜିଦ୍‌ରୁ ହଟିନାହିଁ।

ଆପଣଙ୍କ ଧୈର୍ଯ୍ୟ କେବେ ସରିବ?” ବୋଲି କାଲାସ ପ୍ରଶ୍ନ କରିଥିଲେ।​ମାର୍କୋ ରୁବିଓଙ୍କ କଠୋର ଜବାବ:​ରିପୋର୍ଟ ଅନୁସାରେ, ଏହି ପ୍ରଶ୍ନରେ ରୁବିଓ ଉତ୍ତ୍ୟକ୍ତ ହୋଇ ସ୍ୱର ଚଢ଼ାଇ କହିଥିଲେ:​”ଆମେ ଯୁଦ୍ଧ ଶେଷ କରିବା ପାଇଁ ଯଥାସମ୍ଭବ ଚେଷ୍ଟା କରୁଛୁ। ଯଦି ଆପଣ ଭାବୁଛନ୍ତି ଯେ ଆପଣ ଆମଠାରୁ ଭଲ ଭାବରେ ଏହା କରିପାରିବେ, ତେବେ ଆଗକୁ ଆସନ୍ତୁ। ଆମେ ଓହରି ଯିବୁ।”​ଏହି ଘଟଣା ପାଶ୍ଚାତ୍ୟ ଦେଶଗୁଡ଼ିକ ମଧ୍ୟରେ ରୁଷ ବିରୋଧୀ ରଣନୀତିକୁ ନେଇ ଥିବା ମତଭେଦକୁ ସ୍ପଷ୍ଟ ଭାବେ ଦର୍ଶାଉଛି।