ସିଭିଲ୍ ସେବା ପରୀକ୍ଷା (Civil Services Examination) ପ୍ରକ୍ରିୟାର ସ୍ୱଚ୍ଛତା ଏବଂ ବିଶ୍ୱସନୀୟତାକୁ ଆହୁରି ମଜବୁତ କରିବା ସହ ଜଣଙ୍କ ବଦଳରେ ଅନ୍ୟ ଜଣେ ପରୀକ୍ଷା ଦେବା (Impersonation) ଭଳି ଜାଲିଆତିକୁ ରୋକିବା ପାଇଁ ୟୁନିଅନ୍ ପବ୍ଲିକ ସର୍ଭିସ କମିଶନ (UPSC) ଏକ ବଡ଼ ପଦକ୍ଷେପ ନେଇଛି। କମିଶନ ପକ୍ଷରୁ ସଫଳତାର ସହ ‘ଫେସ୍-ଅଥେଣ୍ଟିକେସନ୍’ (Face-Authentication) ବ୍ୟବସ୍ଥା ଲାଗୁ କରାଯାଇଛି।

​ନିକଟରେ ଅନୁଷ୍ଠିତ ହୋଇଥିବା ସିଭିଲ୍ ସେବା ପରୀକ୍ଷା ଏବଂ ଭାରତୀୟ ବନ ସେବା (ପ୍ରାରମ୍ଭିକ) ପରୀକ୍ଷା ୨୦୨୬ (Civil Services and Indian Forest Service Preliminary Examination 2026) ସମୟରେ ଏହି ପ୍ରଯୁକ୍ତିବିଦ୍ୟାର ବ୍ୟବହାର କରାଯାଇଥିଲା। ଏହି ବ୍ୟବସ୍ଥା ମାଧ୍ୟମରେ ପ୍ରାର୍ଥୀ ଆବେଦନ ପତ୍ର ପୂରଣ କରିବା ସମୟରେ ଦେଇଥିବା ଫଟୋ ସହିତ ଆଡମିଟ୍ କାର୍ଡ ଧରି ପରୀକ୍ଷା କେନ୍ଦ୍ରକୁ ଆସିଥିବା ପ୍ରକୃତ ବ୍ୟକ୍ତିଙ୍କ ମୁହଁ ମିଳୁଛି କି ନାହିଁ, ତାହା ଯାଞ୍ଚ କରାଯାଉଛି।