By କ୍ରିସିଲ୍ର ସଦ୍ୟତମ ‘ରୋଟି ରାଇସ୍ ରେଟ୍’ (RRR) ରିପୋର୍ଟ ଅନୁଯାୟୀ, ଗତବର୍ଷ ମାର୍ଚ୍ଚ ମାସ ତୁଳନାରେ ଚଳିତ ବର୍ଷ ମାର୍ଚ୍ଚରେ ଘରେ ରନ୍ଧାଯାଉଥିବା ଶାକାହାରୀ (Veg) ଥାଳିର ମୂଲ୍ୟ ସ୍ଥିର ରହିଛି। ଅନ୍ୟପଟେ, ବ୍ରଏଲର କୁକୁଡ଼ା ମାଂସ ଦର କମିବା ଯୋଗୁଁ ମାଂସାହାରୀ (Non-veg) ଥାଳିର ମୂଲ୍ୟ ପ୍ରାୟ ୧% ହ୍ରାସ ପାଇଛି।
ଏହି ରିପୋର୍ଟରେ ଉତ୍ତର, ଦକ୍ଷିଣ, ପୂର୍ବ ଏବଂ ପଶ୍ଚିମ ଭାରତର ବଜାର ଦରକୁ ଆଧାର କରି ଏକ ଥାଳି ପ୍ରସ୍ତୁତ କରିବାର ହାରାହାରି ଖର୍ଚ୍ଚ ଗଣନା କରାଯାଇଥାଏ। ପ୍ରତି ମାସରେ ହେଉଥିବା ଏହି ମୂଲ୍ୟ ପରିବର୍ତ୍ତନ ସାଧାରଣ ପରିବାରର ମାସିକ ଖର୍ଚ୍ଚ ଉପରେ ପ୍ରଭାବ ପକାଇଥାଏ।
ଏଥିରେ ଶସ୍ୟ, ଡାଲି, କୁକୁଡ଼ା ମାଂସ, ପନିପରିବା, ମସଲା, ଖାଇବା ତେଲ ଏବଂ ରୋଷେଇ ଗ୍ୟାସ୍ର ଦରକୁ ଅନ୍ତର୍ଭୁକ୍ତ କରାଯାଏ।ମୂଲ୍ୟ ସ୍ଥିର ରହିବାର କାରଣ:କ୍ରିସିଲ୍ ଇଣ୍ଟେଲିଜେନ୍ସର ନିର୍ଦ୍ଦେଶକ ପୁଷଣ ଶର୍ମାଙ୍କ କହିବା ଅନୁଯାୟୀ:ପିଆଜ ଓ ଆଳୁ: ପିଆଜର ପ୍ରଚୁର ଯୋଗାଣ ଏବଂ ଆଳୁର ଚାହିଦା କମ୍ ଥିବାରୁ ଏଗୁଡ଼ିକର ଦର କମିଛି।
ଏହାସହ ଡାଲି ଦରରେ ହ୍ରାସ ମଧ୍ୟ ଶାକାହାରୀ ଥାଳିର ମୂଲ୍ୟକୁ ନିୟନ୍ତ୍ରଣରେ ରଖିଛି।ଟମାଟୋ ଓ ତେଲ: ପ୍ରମୁଖ ଅଞ୍ଚଳଗୁଡ଼ିକରେ ଟମାଟୋ ଚାଷରେ ବିଳମ୍ବ ଯୋଗୁଁ ଏହାର ଦର ବଢ଼ିଛି। ସେହିପରି ଖାଇବା ତେଲ ଏବଂ ଜାଳେଣି ଖର୍ଚ୍ଚ ମଧ୍ୟ ବୃଦ୍ଧି ପାଇଛି। ତେବେ ପିଆଜ ଓ ଆଳୁର କମ୍ ଦର ଏହି ବର୍ଦ୍ଧିତ ଖର୍ଚ୍ଚକୁ ସନ୍ତୁଳିତ କରିଦେଇଛି।ମାଂସାହାରୀ ଥାଳି: ବ୍ରଏଲର ମୂଲ୍ୟରେ ହ୍ରାସ ଘଟିଥିବାରୁ ମାଂସାହାରୀ ଥାଳି ଶସ୍ତା ହୋଇଛି।
