By ନୂଆଦିଲ୍ଲୀ: ଭାରତର ଏକ ବଡ଼ ଭାଗରେ ଏହି ସପ୍ତାହରେ ଗ୍ରୀଷ୍ମ ପ୍ରବାହ (Heat wave) ସ୍ଥିତି ଜାରି ରହିବ, ତେବେ ମେ ୨୯ ତାରିଖରୁ ତାପମାତ୍ରା ଧୀରେ ଧୀରେ କମିବା ସହ ସାମାନ୍ୟ ଆଶ୍ୱସ୍ତି ମିଳିପାରେ ବୋଲି ମଙ୍ଗଳବାର ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ସୂଚନା ଦିଆଯାଇଛି।
ଆଗାମୀ ୩ ରୁ ୪ ଦିନ ପର୍ଯ୍ୟନ୍ତ କେନ୍ଦ୍ରୀୟ ଏବଂ ଉତ୍ତର-ପଶ୍ଚିମ ଭାରତର ଅଧିକାଂଶ ଅଞ୍ଚଳରେ ପ୍ରବଳରୁ ଅତି ପ୍ରବଳ ଗ୍ରୀଷ୍ମ ପ୍ରବାହ (Heat wave to severe heat wave) ସ୍ଥିତି ବଜାୟ ରହିବା ନେଇ ଆଶଙ୍କା କରାଯାଉଛି। ସେହିପରି ପୂର୍ବ ଭାରତ ଏବଂ ଏହାକୁ ଲାଗି ରହିଥିବା ଉପଦ୍ୱୀପୀୟ (peninsular) ଅଞ୍ଚଳଗୁଡ଼ିକରେ ମଧ୍ୟ ଆଗାମୀ ୨ ରୁ ୩ ଦିନ ପର୍ଯ୍ୟନ୍ତ ଏଭଳି ସ୍ଥିତି ଅନୁଭୂତ ହୋଇପାରେ।
