Skip to main content

welcome to business breaking

BusinessBreaking - Responsive Header
Loading date... Loading time...

ଓଡ଼ିଶାର ପ୍ରଥମ ଷ୍ଟାର୍ଟଅପ୍ ଭାବେ ରାଷ୍ଟ୍ରପତିଙ୍କଠାରୁ ଜାତୀୟ ପୁରସ୍କାର ପାଇଲା BabyCue

ଓଡ଼ିଶାର ପ୍ରଥମ ଷ୍ଟାର୍ଟଅପ୍ ଭାବେ ରାଷ୍ଟ୍ରପତିଙ୍କଠାରୁ ଜାତୀୟ ପୁରସ୍କାର ପାଇଲା BabyCue

ଟ୍ରାଇବାଲ୍ ବିଜନେସ୍ କନକ୍ଲେଭ୍‌ରେ ପ୍ରଥମ ପୁରସ୍କାର ସହ ୫ ଲକ୍ଷ ଟଙ୍କାର ସମ୍ମାନ

ଓଡ଼ିଶାର ଷ୍ଟାର୍ଟଅପ୍ ଜଗତ ପାଇଁ ଏକ ଗୌରବମୟ ମୁହୂର୍ତ୍ତ। BabyCue Private Limited ରାଷ୍ଟ୍ରପତି ଭବନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ଜାତୀୟ ସ୍ତରରେ ପ୍ରଥମ ପୁରସ୍କାର ଗ୍ରହଣ କରିଛି। Tribal Business Conclave Open Grand Challengeରେ କମ୍ପାନୀକୁ ପ୍ରଥମ ପୁରସ୍କାର ସହ ୫ ଲକ୍ଷ ଟଙ୍କା ପ୍ରଦାନ କରାଯାଇଛି। କେନ୍ଦ୍ର ସରକାରଙ୍କ ଜନଜାତି କାର୍ଯ୍ୟ ମନ୍ତ୍ରଣାଳୟ ଏବଂ Startup India, DPIIT ପକ୍ଷରୁ ଆୟୋଜିତ ଏହି ଚ୍ୟାଲେଞ୍ଜରେ BabyCueର ନବସୃଜନମୂଳକ ସ୍ୱାସ୍ଥ୍ୟସେବା ସମାଧାନ DiaCueକୁ ଏହି ସ୍ୱୀକୃତି ମିଳିଛି।

DiaCue ହେଉଛି ପାଞ୍ଚ ବର୍ଷରୁ କମ୍ ଶିଶୁଙ୍କଠାରେ ବ୍ୟାକ୍ଟେରିଆଜନିତ ଓ ଅଣ-ବ୍ୟାକ୍ଟେରିଆଜନିତ ଝାଡ଼ା ରୋଗ ମଧ୍ୟରେ ପାର୍ଥକ୍ୟ ଚିହ୍ନଟ କରିବା ପାଇଁ ଏକ ଦ୍ରୁତ, ଅଣ-ଆକ୍ରମଣାତ୍ମକ ଡାଇଗ୍ନୋଷ୍ଟିକ୍ ପରୀକ୍ଷା ପ୍ରଣାଳୀ। ଏହା ଅନାବଶ୍ୟକ ଆଣ୍ଟିବାୟୋଟିକ୍ ବ୍ୟବହାର କମାଇବା ସହ ଆଦିବାସୀ, ଗ୍ରାମାଞ୍ଚଳ ଓ ଅନୁନ୍ନତ ଅଞ୍ଚଳର ଶିଶୁଙ୍କ ପାଇଁ ଉନ୍ନତ ଚିକିତ୍ସା ନିଷ୍ପତ୍ତିରେ ସହାୟକ ହେବା ଲକ୍ଷ୍ୟ ରଖିଛି।

କମ୍ପାନୀର ପ୍ରତିଷ୍ଠାତା ମନୀଷ କୁମାର ସ୍ୱାଇଁ ଓ ସହ-ପ୍ରତିଷ୍ଠାତା ସୌମ୍ୟାଶ୍ରୀ ସ୍ୱାଇଁଙ୍କ ନେତୃତ୍ୱରେ BabyCue ଓଡ଼ିଶାରୁ ଏକ ବିଶ୍ୱସ୍ତରୀୟ ହେଲ୍ଥଟେକ୍ ଉଦ୍ୟମ ଗଢ଼ିବାର ଲକ୍ଷ୍ୟ ନେଇ ଆଗକୁ ବଢ଼ୁଛି। ଓଡ଼ିଶାର ମାଟିରୁ ଆରମ୍ଭ ହୋଇଥିବା ଏହି ଉଦ୍ୟମ ଏବେ ଜାତୀୟ ସ୍ତରରେ ରାଜ୍ୟର ନବସୃଜନ ଓ ଷ୍ଟାର୍ଟଅପ୍ ସାମର୍ଥ୍ୟକୁ ନୂଆ ପରିଚୟ ଦେଇଛି।

editor

Related Articles

Leave a Reply

Your email address will not be published. Required fields are marked *