ଆୟକର ବିଭାଗର ୩ ଏପ୍ରିଲ ୨୦୨୫ର ବିଜ୍ଞପ୍ତି ଅନୁଯାୟୀ, ଯେଉଁ ବ୍ୟକ୍ତିମାନେ ୧ ଅକ୍ଟୋବର ୨୦୨୪ ପୂର୍ବରୁ ଆଧାର ନମ୍ବର ବ୍ୟବହାର କରି ପାନ୍ କାର୍ଡ ପାଇଥିଲେ, ସେମାନଙ୍କୁ ଚଳିତ ବର୍ଷ ଶେଷ ସୁଦ୍ଧା ଲିଙ୍କ୍ ପ୍ରକ୍ରିୟା ଶେଷ କରିବାକୁ ହେବ।
ଲିଙ୍କ୍ ନକଲେ କ’ଣ ହେବ?
୧ ଜାନୁଆରୀ ୨୦୨୬ ରୁ ଆପଣଙ୍କ ପାନ୍ କାର୍ଡ ‘ଅକାମୀ’ (Inoperative) ହୋଇଯିବ। ଏହାର ପରିଣାମସ୍ୱରୂପ:
- ଆପଣ ଆୟକର ରିଟର୍ଣ୍ଣ (ITR) ଫାଇଲ୍ କରିପାରିବେ ନାହିଁ।
- ଆପଣଙ୍କୁ ମିଳିବାକୁ ଥିବା ଟ୍ୟାକ୍ସ ରିଫଣ୍ଡ୍ ଅଟକି ଯିବ।
- ବ୍ୟାଙ୍କ କାର୍ଯ୍ୟ ଏବଂ ଆର୍ଥିକ କାରବାରରେ ବାଧା ସୃଷ୍ଟି ହେବ।
- ଅଧିକ ପରିମାଣର TDS କଟାଯିବ।
ଲିଙ୍କ୍ କରିବାର ସହଜ ପଦକ୍ଷେପ (Step-by-Step Guide)
ଆପଣ ଘରେ ବସି ନିଜ ମୋବାଇଲ୍ ବା କମ୍ପ୍ୟୁଟର ମାଧ୍ୟମରେ ଏହା କରିପାରିବେ:
- ୱେବସାଇଟ୍କୁ ଯାଆନ୍ତୁ: ପ୍ରଥମେ ଆୟକର ବିଭାଗର ଅଫିସିଆଲ୍ ପୋର୍ଟାଲ୍ incometax.gov.in କୁ ଯାଆନ୍ତୁ।
- Quick Links: ହୋମ୍ ପେଜ୍ରେ ଥିବା ‘Link Aadhaar’ ବିକଳ୍ପ ଉପରେ କ୍ଲିକ୍ କରନ୍ତୁ।
- ତଥ୍ୟ ଦିଅନ୍ତୁ: ନିଜର ପାନ୍ ନମ୍ବର ଏବଂ ଆଧାର ନମ୍ବର ପ୍ରବେଶ କରନ୍ତୁ।
- Validate: ଏହାପରେ ‘Validate’ ବଟନ୍ ଉପରେ କ୍ଲିକ୍ କରନ୍ତୁ।
- OTP ଯାଞ୍ଚ: ଆପଣଙ୍କ ଆଧାର ସହ ସଂଯୋଗ ଥିବା ମୋବାଇଲ୍ ନମ୍ବରକୁ ଏକ OTP ଆସିବ, ତାହାକୁ ଦେଇ ସବ୍ମିଟ୍ କରନ୍ତୁ।
- ଫି’ ପୈଠ (ଯଦି ଲାଗୁ ହୁଏ): ଯଦି ଆପଣଙ୍କୁ ୧,୦୦୦ ଟଙ୍କା ଜରିମାନା ଦେବାକୁ ପଡ଼େ, ତେବେ ‘e-Pay Tax’ ମାଧ୍ୟମରେ ତାହା ପୈଠ କରନ୍ତୁ।
କିପରି ଯାଞ୍ଚ କରିବେ ଆପଣଙ୍କ ପାନ୍-ଆଧାର ଲିଙ୍କ୍ ଅଛି କି ନାହିଁ?
- ଆୟକର ପୋର୍ଟାଲ୍ରେ ‘Link Aadhaar Status’ ଉପରେ କ୍ଲିକ୍ କରନ୍ତୁ।
- ନିଜର ପାନ୍ ଏବଂ ଆଧାର ନମ୍ବର ଦିଅନ୍ତୁ।
- ଯଦି ଲିଙ୍କ୍ ଥିବ, ତେବେ “Your PAN is already linked to Aadhaar” ବୋଲି ମେସେଜ୍ ଦେଖାଇବ।
