India
ନାଇକି ବନାମ ଆଡିଡାସ୍: ଫିଫା ବିଶ୍ୱକପ୍ ୨୦୨୬ରେ ମାର୍କେଟିଂ ଖର୍ଚ୍ଚ ବଢ଼ାଇଲେ ଦୁଇ କ୍ରୀଡ଼ା ସାମଗ୍ରୀ ପ୍ରସ୍ତୁତକାରୀ ମହାଶକ୍ତି
ଫିଫା ବିଶ୍ୱକପ୍ ୨୦୨୬ (FIFA World Cup 2026) ମୈଦାନରେ ଯେତିକି ରୋମାଞ୍ଚକର ହେଉଛି, ଷ୍ଟାଡିୟମ୍ ବାହାରେ ମଧ୍ୟ ସେତିକି ବଡ଼ ପ୍ରତିଯୋଗିତା ଦେଖିବାକୁ ମିଳୁଛି। ବିଶ୍ୱର ଦୁଇ ପ୍ରମୁଖ ସ୍ପୋର୍ଟସ୍ୱେୟାର୍ କମ୍ପାନୀ ‘ନାଇକି’ (Nike) ଏବଂ ‘ଆଡିଡାସ୍’ (Adidas) ଗ୍ରାହକଙ୍କ ଦୃଷ୍ଟି ଆକର୍ଷଣ କରିବା, ବ୍ରାଣ୍ଡ୍ର ପରିଚିତି ବଢ଼ାଇବା ଏବଂ ମାର୍କେଟ୍ ସେୟାର୍ କବଜା କରିବା ପାଇଁ ଏକ ଜୋରଦାର ଲଢ଼େଇରେ ମାତିଛନ୍ତି।
ଫୁଟବଲ୍ର ଏହି ମହାକୁମ୍ଭକୁ ଆଖିରେ ରଖି ଦୁଇ କମ୍ପାନୀ ନିଜ ନିଜର ବଡ଼ ବଡ଼ ମାର୍କେଟିଂ କ୍ୟାମ୍ପେନ୍ (ବିଜ୍ଞାପନ ଅଭିଯାନ) ଆରମ୍ଭ କରିଛନ୍ତି।
ଏହି ବ୍ୟବସାୟିକ ପ୍ରତିଦ୍ୱନ୍ଦ୍ୱିତା ମଧ୍ୟରେ ଉଭୟ ବ୍ରାଣ୍ଡ୍ ବ୍ଲକବଷ୍ଟର ଚଳଚ୍ଚିତ୍ର ଶୈଳୀରେ ବଡ଼ ବଡ଼ ବିଜ୍ଞାପନ ପ୍ରସ୍ତୁତ କରିଛନ୍ତି, ଯେଉଁଥିରେ କ୍ରୀଡ଼ା ଜଗତର କେତେକ ସବୁଠାରୁ ପ୍ରସିଦ୍ଧ ଏବଂ ବଡ଼ ଚେହେରାମାନଙ୍କୁ ସାମିଲ କରାଯାଇଛି।
