ଆସନ୍ତା ଶୁକ୍ରବାର LIC ର ବୋନସ ରେକର୍ଡ ତାରିଖ: ବଜାରରେ ତେଜି ମଧ୍ୟରେ ଏହି ସରକାରୀ ଶେୟାର କିଣିବା ଉଚିତ କି?

ବୀମା କ୍ଷେତ୍ରର ସବୁଠାରୁ ବଡ଼ ସରକାରୀ ସଂସ୍ଥା ‘ଲାଇଫ୍ ଇନସ୍ୟୁରାନ୍ସ କର୍ପୋରେସନ ଅଫ୍ ଇଣ୍ଡିଆ’ (LIC) ପକ୍ଷରୁ ପ୍ରଥମ ଥର ପାଇଁ ଦିଆଯାଉଥିବା ବୋନସ ଶେୟାର (Bonus issue) ର ‘ରେକର୍ଡ ତାରିଖ’ (Record date) ଚଳିତ ସପ୍ତାହ ଶେଷ ଆଡ଼କୁ ରହିଛି। ଏହାକୁ ନେଇ ନିବେଶକମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳୁଛି।

​ଗତ ସପ୍ତାହରେ କମ୍ପାନୀର ଶାନଦାର ତ୍ରୈମାସିକ ଫଳାଫଳ ପ୍ରକାଶ ପାଇବା ଏବଂ ୧:୧ (୧ଟି ଶେୟାର ବଦଳରେ ଆଉ ୧ଟି ମାଗଣା ଶେୟାର) ବୋନସ ପାଇଁ ରେକର୍ଡ ତାରିଖ ଘୋଷଣା ହେବା ପରେ, LIC ର ଶେୟାର ମୂଲ୍ୟ କ୍ରମାଗତ ଭାବେ ବଢ଼ିବାରେ ଲାଗିଛି। ଲଗାତାର ତିନି ଦିନ ହେବ ଏହି ସରକାରୀ ଶେୟାରରେ ତେଜି ଦେଖାଦେଇଛି। ମଙ୍ଗଳବାର ଦିନ LIC ଶେୟାର ପ୍ରାୟ ୨% ରୁ ଅଧିକ ବୃଦ୍ଧି ପାଇବା ସହ ଗତ ୩ ଦିନ ମଧ୍ୟରେ ଏହାର ମୂଲ୍ୟ ପ୍ରାୟ ୭% ବଢ଼ିସାରିଲାଣି।