ମୁମ୍ବାଇର ଏକ ଦେବାଳିଆ ଅଦାଲତ ଜେଟ୍ ଏୟାରୱେଜ୍ ମାମଲାରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି
କୋର୍ଟଙ୍କ ନିଷ୍ପତ୍ତିର ପ୍ରଭାବ:ବାର୍ଗେନିଂ ପାୱାର୍ ହ୍ରାସ: ଏହି ନିଷ୍ପତ୍ତି ପରେ ବିମାନ ବନ୍ଦର ପରିଚାଳକମାନେ ଏୟାରଲାଇନ୍ସ ସହିତ ଦରଦାମ ବା ବାର୍ଗେନିଂ କରିବାର ଶକ୍ତି ହରାଇଛନ୍ତି। ପୂର୍ବରୁ ସେମାନେ ନିଜର ବକେୟା ପାଇଁ ବିମାନକୁ ଅଟକ ରଖିବାର ଅଧିକାର ବ୍ୟବହାର କରୁଥିଲେ, କିନ୍ତୁ କୋର୍ଟ କହିଛନ୍ତି ଯେ ଏହା ସେମାନଙ୍କୁ ସୁରକ୍ଷିତ ପାଉଣାଦାରର ମାନ୍ୟତା ଦିଏ ନାହିଁ।ଅସୁରକ୍ଷିତ ଋଣ ଶ୍ରେଣୀ: ବିମାନ ବନ୍ଦରର ବକେୟା ପାଉଣାକୁ ବର୍ତ୍ତମାନ ‘ଅସୁରକ୍ଷିତ ପରିଚାଳନାଗତ ଋଣ’ (Unsecured Operational Debt) ଭାବେ ଶ୍ରେଣୀଭୁକ୍ତ କରାଯାଇଛି। ଦେବାଳିଆ ପ୍ରକ୍ରିୟାରେ ଏହି ଶ୍ରେଣୀର ପାଉଣାଦାରମାନଙ୍କୁ ସବୁଠାରୁ ଶେଷରେ ଟଙ୍କା ମିଳିଥାଏ।ଆଇନଜୀବୀଙ୍କ ମତ: SKV ଲ’ ଅଫିସର ପାର୍ଟନର ସୁହେଲ ବୁଟାନଙ୍କ କହିବା ଅନୁସାରେ, ଏହି ନିଷ୍ପତ୍ତି ସ୍ପଷ୍ଟ କରିଛି ଯେ ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ (AAI) ନିୟମାବଳୀ ଅନୁଯାୟୀ ବିମାନ ଅଟକ ରଖିବା ଅଧିକାର କୌଣସି ‘ସିକ୍ୟୁରିଟି ଇଣ୍ଟରେଷ୍ଟ’ ସୃଷ୍ଟି କରେ ନାହିଁ।ଏହାର ଅର୍ଥ କ’ଣ?ସରଳ ଭାଷାରେ କହିଲେ, ଯଦି କୌଣସି ବିମାନ କମ୍ପାନୀ ବୁଡ଼ିଯାଏ, ତେବେ ବିମାନ ବନ୍ଦର କର୍ତ୍ତୃପକ୍ଷ ନିଜର ଫି’ କିମ୍ବା ପାର୍କିଂ ଚାର୍ଜ ବାବଦକୁ ପାଇବାକୁ ଥିବା ଟଙ୍କା ଫେରିପାଇବା ଏବେ ଅଧିକ କଷ୍ଟକର ହେବ। ବ୍ୟାଙ୍କ ଏବଂ ଅନ୍ୟାନ୍ୟ ସୁରକ୍ଷିତ ପାଉଣାଦାରଙ୍କୁ ପ୍ରଥମେ ଟଙ୍କା ମିଳିବ।
