ଦେଶର ଶକ୍ତିଶାଳୀ ସାମରିକ ବାହିନୀ ଇସଲାମିକ ରିଭୋଲ୍ୟୁସନାରୀ ଗାର୍ଡ କୋର୍ପସ ଏବେ ଦେଶର ଶାସନ ବ୍ୟବସ୍ଥାକୁ ନିଜ ହାତକୁ ନେଇଛି।
୧. ସରକାରଙ୍କୁ କଣଠେସା କଲା IRGCରିପୋର୍ଟ ଅନୁଯାୟୀ, ଇରାନର ରାଷ୍ଟ୍ରପତି ମାସୁଦ ପେଜେସ୍କିଆନ (Masoud Pezeshkian) ଏବଂ ସେନା ମଧ୍ୟରେ ତିକ୍ତତା ଚରମ ସୀମାରେ ପହଞ୍ଚିଛି। IRGC ବର୍ତ୍ତମାନ ରାଷ୍ଟ୍ରପତିଙ୍କ ନିଷ୍ପତ୍ତି ଏବଂ ବିଭିନ୍ନ ଗୁରୁତ୍ୱପୂର୍ଣ୍ଣ ପଦବୀରେ ନିଯୁକ୍ତି ପ୍ରକ୍ରିୟାକୁ ରୋକି ଦେଇଛି। ଫଳରେ ନିର୍ବାଚିତ ସରକାର କ୍ଷମତାଶୂନ୍ୟ ହୋଇପଡ଼ିଛନ୍ତି।
୨. ଆୟାତୋଲ୍ଲା ମୋଜତାବା ଖାମେନେଇଙ୍କ ଅନୁପସ୍ଥିତିନୂତନ ସୁପ୍ରିମ ଲିଡର ଆୟାତୋଲ୍ଲା ମୋଜତାବା ଖାମେନେଇ (ଯିଏ ତାଙ୍କ ପିତା ଅଲି ଖାମେନେଇଙ୍କ ମୃତ୍ୟୁ ପରେ ଦାୟିତ୍ୱ ନେଇଛନ୍ତି) ଗତ କିଛି ସପ୍ତାହ ହେବ ସର୍ବସାଧାରଣରେ ଦୃଶ୍ୟମାନ ହେଉନାହାଁନ୍ତି। IRGC ର ଏକ ‘ମିଲିଟାରୀ କାଉନସିଲ’ ବର୍ତ୍ତମାନ ମୋଜତାବାଙ୍କ ଚାରିପଟେ ଏକ ସୁରକ୍ଷା ବଳୟ (Security Cordon) ତିଆରି କରିଛି।
ଏହି କାରଣରୁ ରାଷ୍ଟ୍ରପତି ପେଜେସ୍କିଆନ ସୁପ୍ରିମ ଲିଡରଙ୍କୁ ଭେଟିବାକୁ ଚାହୁଁଥିଲେ ମଧ୍ୟ ସେନା ସେମାନଙ୍କ ମଧ୍ୟରେ ସମ୍ପର୍କ କରାଇ ଦେଉନାହିଁ।
୩. ଗୁପ୍ତଚର ବିଭାଗ ଉପରେ କବଜାନିକଟରେ ରାଷ୍ଟ୍ରପତି ପେଜେସ୍କିଆନ ନୂଆ ଗୁପ୍ତଚର ମନ୍ତ୍ରୀ (Intelligence Minister) ନିଯୁକ୍ତ କରିବାକୁ ଚେଷ୍ଟା କରିଥିଲେ, କିନ୍ତୁ IRGC ମୁଖ୍ୟ ଅହମ୍ମଦ ଭାହିଦି ଏହାକୁ ବିରୋଧ କରିଥିଲେ। ସେନାର ଯୁକ୍ତି ହେଉଛି ଯେ, ବର୍ତ୍ତମାନ ଯୁଦ୍ଧ ପରିସ୍ଥିତି ଚାଲିଥିବାରୁ ସମସ୍ତ ଗୁରୁତ୍ୱପୂର୍ଣ୍ଣ ପଦବୀ ସେନା ଦ୍ୱାରା ନିୟନ୍ତ୍ରିତ ହେବା ଉଚିତ୍।
୪. କ୍ଷମତା ଦଖଲର କାରଣବାହ୍ୟ ଆକ୍ରମଣ: ଆମେରିକା ଏବଂ ଇସ୍ରାଏଲର କ୍ରମାଗତ ଆକ୍ରମଣ ଯୋଗୁଁ ଦେଶରେ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଛି, ଯାହାର ସୁଯୋଗ ନେଇ IRGC ନିଜର ପ୍ରଭାବ ବିସ୍ତାର କରିଛି।
ଆଭ୍ୟନ୍ତରୀଣ କନ୍ଦଳ: ସୁପ୍ରିମ ଲିଡରଙ୍କ କାର୍ଯ୍ୟାଳୟରେ ଥିବା କିଛି ବରିଷ୍ଠ ଅଧିକାରୀ ମୋଜତାବାଙ୍କ ନିଯୁକ୍ତିକୁ ନେଇ ବିରୋଧ କରୁଥିବାରୁ ସେନା ସେମାନଙ୍କୁ ହଟାଇବାକୁ ଚେଷ୍ଟା କରୁଛି।
